Gujarat Rain : સૌરાષ્ટ્રમાં મેઘરાજાની તોફાની બેટિંગ, મેંદરડામાં 13, કેશોદમાં 11 ઇંચ વરસાદ

Gujarat Rain Weather Forecast Update : રાજ્યમાં વરસાદનો નવો ધમાકેદાર રાઉન્ડ શરુ થયો છે. બુધવારને 20 ઓગસ્ટના રોજ સવારના 6.00 થી સાંજના 4.00 વાગ્યા સુધીમાં 143 તાલુકામાં વરસાદ નોંધાયો છે. જેમાં સૌથી વધારે જૂનાગઢના મેંદરડામાં 13.03 ઇંચ વરસાદ વરસ્યો છે. 25 તાલુતામાં 4 ઇંચથી વધારે વરસાદ વરસ્યો છે.

► 73 તાલુકામાં એક ઇંચથી વધારે વરસાદ

સ્ટેટ ઇમરજન્સી ઓપરેશન સેન્ટર, ગાંધીનગરના આંકડા પ્રમાણે રાજ્યમાં બુધવારને 20 ઓગસ્ટના રોજ સવારના 6 થી સાંજના 4 વાગ્યા સુધીમાં 143 તાલુકામાં વરસાદ વરસ્યો છે. જેમાં મેંદરડામાં 13.03 ઇંચ, કેશોદમાં 10.94 ઇંચ, વંથલીમાં 10.16 ઇંચ, પોરબંદરમાં 9.84 ઇંચ, ગણદેવીમાં 8.39, માણાવદરમાં 8.07 ઇંચ, ચીખલીમાં 7.20 ઇંચ, કુતિયાણામાં 6.93 ઇંચ, કપરાડામાં 6.57 ઇંચ, રાણાવાવમાં 6.42 ઇંચ, ડોલવાણમાં 5.91 ઇંચ, મહુવામાં 5.31 ઇંચ, ખેરગામમાં 5.24 ઇંચ, માંગરોળમાં 5.12 ઇંચ વરસાદ વરસ્યો છે. આ સિવાય અન્ય 129 તાલુકામાં 1 થી લઇને 125 મીમી સુધી વરસાદ નોંધાયો છે.

► હવામાન વિભાગની આગાહી

હવામાન વિભાગે 21 ઓગસ્ટના રોજ પોરબંદર, જૂનાગઢ, દ્વારકા, કચ્છ જિલ્લાના વિવિધ ભાગોમાં ભારેથી અતિ ભારે વરસાદનું રેડ એલર્ટ જારી કર્યું છે. જ્યારે બનાસકાંઠા, પાટણ, મહેસાણા, સાબરકાંઠા, નવસારી, વલસાડ, દમણ, દાદરા, નગર હવેલી, સુરેન્દ્રનગર, જામનગર અને મોરબી જિલ્લાના વિવિધ ભાગોમાં ભારેથી અતિ ભારે વરસાદનું ઓરેન્જ એલર્ટ જારી કરવામાં આવ્યું છે.

06.00 TO 16.00 HRS RAINFALL DATA DT.20.08.2025Download

► રાજ્યમાં સિઝનનો કુલ 71.31 ટકા વરસાદ

20 ઓગસ્ટ 2025 સુધીમાં રાજ્યમાં સિઝનનો કુલ 71.31 ટકા વરસાદ નોંધાયો છે. જેમાં કચ્છમાં 74.63 ટકા, ઉત્તર ગુજરાતમાં 72.73 ટકા, પૂર્વ મધ્ય ગુજરાતમાં 69.92 ટકા, સૌરાષ્ટ્રમાં 69.06 ટકા અને દક્ષિણ ગુજરાતમાં 73.33 ટકા વરસાદ વરસ્યો છે. સરદાર સરોવર નર્મદા નિગમ લી. માં 20 ઓગસ્ટને સાંજના 4 વાગ્યા સુધીમાં પાણીનો સંગ્રહ 261426 mcft છે. જે કુલ સંગ્રહ ક્ષમતાના 78.25% જેટલી છે. રાજ્યના અન્ય 206 જળાશયોમાં સંગ્રહ 418024 mcft છે. જે કુલ સંગ્રહ ક્ષમતાના 74.93% છે. 100 ટકા ભરાયેલ ડેમોની સંખ્યા 51 છે. 70 ડેમ હાઇ એલર્ટ પર અને 30 ડેમ એલર્ટ પર છે.

Home Page- gujju news channel - Latest Gujarati News, તાજા ગુજરાતી સમાચાર, Latest Gujarati News LIVE, Online Gujarati News, Gujarati news headlines today, Gujarati News Channel - Rain Forecast News In Gujarati - ગુજરાતી સમાચાર - Gujarat Rain Data - Gujarat Rain Weather Forecast Update